کەشناسی هەرێمی کوردستان پێشبینی دەکات، لە ئەمڕۆوە پلەکانی گەرما روو لە بەرزبوونەوە بکەن.
بەڕێوەبەرایەتیی گشتیی کەشناسی و بوومەلەرزەزانی هەرێمی کوردستان پێشبینیی کەشوهەوای 48 کاتژمێری داهاتووی بڵاوکردەوە و رایگەیاند، ئەمڕۆ پێنجشەممە 28ی ئازاری 2024، ئاسمان ساماڵ و پەڵەهەور دەبێت و هەندێ کات دەگۆڕێت بۆ نیمچەهەور و پلەی گەرما کەمێک بەرزتردەبێت لە تۆمارکراوەکانی دوێنێ.

لەبارەی کەشوهەوای سبەی هەینێ، کەشناسی هەرێمی کوردستان دەڵێت، ئاسمان پەڵە هەور و نیمچە هەور دەبێت و پلەی گەرما بە نزیکەی 2 تا 3 پلە بەرز دەبێتەوە بە بەراوورد بە تۆمارکراوەکانی ئەمڕۆ و خێرایی با لەسەرخۆ و مامناوەنددەبێت.

بەرزترین پلەکانی گەرمای پێشبینیکراو بەپێی پێشبینی کەشناسی هەرێمی کوردستان  بەمجۆرە دەبێت:

هەولێر : 22

سلێمانی : 21

دهۆک : 21

زاخۆ : 22

هەڵەبجە : 22

کەرکوک : 24

سۆران : 19

حاجی ئۆمەران : 12

گەرمیان : 25