پەیامی کورد... لە ڕۆژهەڵاتی کوردستان لانی کەم ٥٢ ژن دەستبەسەر کراون
لە درێژەی ڕەوتی خۆپیشاندان و ناڕەزایەتییە سەرانسەرییەکانی کوردستان و ئێران لەسەر کوژرانی ژینا ئەمینی لەلایەن هێزەکانی حکومەتی کۆماری ئیسلامیی ئێرانەوە، دەیان کچ و ژنی کورد لە شارەکانی کوردستان لەلایەن هێزە ئەمنییەکانی حکومەتەوە دەستبەسەر کراون کە تاکوو ئێستا هەنگاو توانیویەتی ناسنامەی ۵۲ کەسیان ئاشکرا بکات.
بەپێی ئاماری تۆمارکراوی ناوەندی ئامار و بەڵگەنامەکانی ڕێکخراوی مافی مرۆڤی هەنگاو؛ لە سەرەتای سەرهەڵدانی خۆپیشاندان و ناڕەزایەتییەکان لە کوردستان و ئێران، لە ڕۆژی دووشەممەوە تاکوو ڕۆژی هەینی، زیاتر لە ٧٠ کچ و ژنی کورد لە شارە جیاوازەکانی کوردستان دەستبەسەر کراون و تا هەنووکەش ناسنامەی ۵۲ کەسیان بۆ هەنگاو ڕوون بوونەتەوە.
لانی کەم ٤ کەس لەو کچانەی کە دەستبەسەر کراون، مێرمنداڵ و تەمەنیان ژێر ١٨ ساڵە. ناسنامەی ئەم چوار کەسە بریتین لە؛ ئیلاهە موئمنی، تەمەن ١٦ ساڵ، نیلووفەر قازی تەمەن ١٧ ساڵ، سارا شێردڵ تەمەن ١٨ ساڵ و هەروەها ئایدا دەروێشی تەمەن ١٧ ساڵ و خەڵکی شاری پاوە.
هەنگاو پێشتر لە ڕاپۆرتێکدا ڕایگەیاندبوو کە نیلوفەر قازی تووشی نەخۆشیی ئاسم (تەنگەنەفەسی) بووە و هەروەها ژینا مودەڕس‌گورجی وەکوو ناڕەزایەتیدەربڕین بە شێوەی هەڵسوکەوتی هێزە حکوومەتییەکان لە کاتی دەستبەسەرکردن و لەناو بەندیخانەدا کە ئازار و ئەشکەنجەیان کردبوو، لە ناوەندی چاکسازی و پەروەردەی حکومەت لە شاری سنە مانی لە خواردن گرتووە.
ئامارەکان بەم شیوەی خوارەوەن:
پارێزگای سنە؛ ٣٠ حاڵەت
سنە: ۱- ژینا مودەڕس‌گورجی، ۲- ڕێزان ئەحمەدی (خەڵکی شاری دێولان)، ۳- حەیات ئەڵماسی، ۴- فەرانەک ڕەفێعی، ۵- گەشین محەممەدیان، ۶- ساریا شەریفی، ۷- بەهار زەنگیبەند، ۸- باران ساعدی، ۹- ڕۆژان قادری، ۱۰- مونیرە محەممەدی، ١١- ماهرۆ هدایەتی، ۱۲- ئازادە جەماعەتی، ۱۳- سورەیا خدری، ۱۴- لەیلا پاشایی (خەڵکی سەقز)، ۱۵- سروە شەهابی، ۱۶- شادی ئەسلانی، ۱۷- مەهسا ئەفزەلی، ۱۸- سەنا غەفووری ۱۹- پەریا مورتەزایی و ۲۰- نگین مورادی.
دێولان: ۱- سروە ڕەحمانی.
مەریوان: ۱- ئەوین ڕاستی.
بیجار: ۱- لەیلا عەباسی و ۲- مێلیکا کاوەندی.
بانە: ۱- گلاوێژ خاکپوور و ۲- سومەیە کتابی.
قوروە: ۱- سوهەیلا بابایی و ۲- سەیران عیلامی.
کامێران: ۱- لەیلا قلوزی و ۲- تووران ڕەحمانی
پارێزگای کرماشان: ۵ حاڵەت
پاوە: ۱- گلارە مورادی، ۲- سۆما نەقشبەندیم ۳- ئەنیس موقسوودی، ۴- ئایدا دەروێشی و ۵- نگین محەممەدی.
پارێزگای ئیلام: ٩ حاڵەت
ئیلام: ۱- ئێلاهە موئمنی، ۲- نیلوفەر قازی، ۳- سارا شێردڵ، ۴- مونا مروەتی، ٥- کەژاڵ وتەنپوور (خەڵکی گێڵانی ڕۆژاوا). ٦- نێرگس میرزامیرجانی، ٧- پەریسا فەریادیان و ٨- سوهەیلا زیبایی.
ئابدانان: ۱- شیما بیرانوەند.
پارێزگای ورمێ ۷ حاڵەت
تیکاب: ۱- لەیلا حەمامی، ۲- زارا عەزیمی، ۳- ڕویا شەهبازی، ۴- ئیلهام شەعاعی، ۵- ئایدا مۆختاری ۶ - نگین تەهماسبی.
بۆکان: ۱- سەروێن حەیدری
پارێزگای مازەندەران: ۱ حاڵەت
نۆشار (نۆشەهر): ۱- موژگان کاووسی
