image


پەیامی کورد... هۆشیار زێباری: میلیشییایەکان لە بەغدا هەوڵ دەدەن کوردستان بخەنە سەر ئەژنۆ

هۆشیار زێباری ئەندامی مەکتەبی سیاسی پارتی دەڵێت، ئامانجی هێرشە مووشەکییەکان بۆسەر کێڵگە نەوتییەکانی هەرێم ئەوەیە، کە هێزە میلیشییایەکان لە بەغدا هەوڵ دەدەن کوردستان بخەنە سەر ئەژنۆ.

هۆشیار زێباری لە تۆڕی کۆمەڵایەتی تویتەر بڵاوی کردووەتەوە، هێرشی مووشەکی بۆسەر دامەزراوە نەوت و گازییەکانی هەرێم لە ناحیەی خەبات و کۆمپانیای کار لە هەولێر و بۆردوومانکردنی کێڵگەی کۆرۆمۆر لە قادر کەرەمی سەر بە پارێزگای سلێمانی، ڕاستییەکی ئاسان دەردەخات.

بە وتەی ئەو بەرپرسەی پارتی، ئەو ڕاستییە ئەوەیە کە هێزە میلیشییایەکان لە بەغدا جیاوازی لە نێوان هەر دوو پارێزگای سلێمانی و هەولێردا ناکەن و ئامانجی ڕاستەقینەشیان خستنە سەر ئەژنۆی هەرێمە بۆ دەسەڵاتەکانیان.

لە ماوەی هەفتەیەکدا دوو جار بە مووشەک هێرش کرایە سەر کێڵگەی نەوتی کۆرمۆر.

دوێنێ هەینی، بە دوو جاریی جیاواز بۆ دووەم ڕۆژ هێرش کرایە سەر کێڵگەی غازی کۆرمۆر لە ناحیەی قدر کەرەم، بەڵام هیچ زیانێکی گیانی و ماددی لێ نەکەوتەوە.