image

پەیامی کورد     ...     هادی عامری بە تووندی هێرش دەکاتە سەر کۆمیسیۆنی باڵاى هەڵبژاردنەکانى عێراق

هادی عامری سەرۆکی هاوپەیمانی فەتح ڕایدەگەینێت، "ساختەکاری لەهەڵبژاردنی پێشوەختەی پەرلەمانی عێراق بەڕێککەوت نەکراوە"، هاوکات هێرشی تووند دەکاتە سەر کۆمیسیۆنی باڵاى هەڵبژاردنەکانى عێراق.
هادی عامری لە کۆنگرەیەکی ڕۆژنامەوانیدا ژمارەیەک بەڵگەنامەی ئاشکراکرد، کە بە وتەی ئەو، بەڵگەن بۆ ئەنجامدانی "ساختەکاری" لە دواین هەڵبژاردنی پەرلەمانی عێراق و وتی "بە ڕێککەوت ساختەکاری ڕووینەداوە".
بە ووتەی هادی عامری کۆمیسیۆنی هەڵبژاردنەکان هیچ ڕاپۆرتێکی لەبارەی ئامێرەکانی دەنگدانەوە نەداوەتە پەرلەمانی عێراق.
سەرۆکی هاوپەیمانی فەتح لەو کۆنگرە ڕۆژنامەوانیەدا ئەوەشی خستەڕوو، کۆمیسیۆن کۆمەڵێک سەرپێچی یاسایی و دەستووری و هونەری لەکاتی هەڵبژاردندا ئەنجامداوە، هاوکات ئەو ئەنجامانەی دراوەتە کاندیدەکان جیاواز بووە لەو ئەنجامانەی بڵاوکراونەتەوە.