image

پەیامی کورد     ...   جەعفەر شێخ جەعفەر پەیامێکی گرینگ سەبارەت بە پەلکیشکردنی هێزەکانی پەکەکە و پێشمەرگە بۆ شەڕێکی نەخوازراو بڵاو دەکاتەوە 

جەعفەر شێخ موستەفا جێگری سەرۆکی هەرێمی کوردستان پەیامێکی لەبارەی ئەگەری درووستبوونی شەڕ لەنێوان پێشمەرگە و پەکەکە بڵاوکردەوە و رایگەیاند، ئێستا هەوڵێک هەیە بۆ پەلکێشکردنی شەڕێکی نەخوازراو لە نێوان چەکدارانی پەکەکە و هێزی پێشمەرگە لە خاکی هەرێمی کوردستان.

ئەمڕۆ هەینی، جەعفەر شێخ موستەفا جێگری سەرۆکی هەرێمی کوردستان پەیامێکی بڵاوکردەوە و تێیدا ئاماژەی بەوە کردوە، "ئێستا هەوڵێک هەیە بۆ پەلکێشکردنی شەڕێکی نەخوازراو لە نێوان چەکدارانی پەکەکە و هێزی پێشمەرگە لە خاکی هەرێمی کوردستان" و راشیگه‌یاند، "ئەگەر بابەتەکە بۆ چەکدارانی پەکەکە بەرگریکردن بێت لە خۆیان، بۆ هێزی پێشمەرگە تێوەدەگلێنن لەو شەڕەی کە خواستی گەلی کورد و پێشمەرگەی لە سەر نیە؟".

شێخ جەعفەر شێخ موستەفا، جێگری سەرۆکی هەرێمی کوردستان لە پەیامەکەیدا هیوای خواستوە کە ئەو شەڕە روونەدات و ئەو خوێن ڕشتنە لێرەوە بوەستێت، دەشڵێت "ئەگەر بابەتەکە بۆ چەکدارانی پەکەکە بەرگریکردن بێت لە خۆیان، بۆ هێزی پێشمەرگە تێوە دەگلێنن لەو شەڕەی کە خواستی گەلی کورد و پێشمەرگەی لەسەر نییە؟"

جێگری سەرۆکی هەرێمی کوردستان لە پەکەکە دەپرسێت "بۆچی تەنها لەو قەوارەیەی هەرێمی کوردستان چالاکییەکانیان چڕ کردوەتەوە کە بە خوێنی هەزاران شەهید بنیادنراوە و پاساو دەدەن بە تورکیا هێرشیان بکرێتەسەر! ئێمە لەگەڵ هاتنی هیچ هێزێکی بێگانە نین کە سنوور و سەروەرییەکانی هەرێمەکەمان ببەزێنێت، لە هەمان کاتیشدا رێز لەو پارتە سیاسییانە دەگرین کە لە خاکی هەرێمەکاندا گیرساونەتەوە و رێگامان داون کار و چالاکی سیاسی ئەنجام بدەن، بەڵام هەرگیز لەگەڵ ئەوەدا نین کە ببنە مایەی شەڕ و ناسەقامگیری و هۆکاری چۆڵکردن و ماڵوێرانکردن و شەهیدکردنی دەیان خەڵکی سڤیل لە ناوچەکەدا".
 
بە ووتەی شێخ جەعفەر شێخ موستەفا "ئەوەی کە ئێستا رودەدات، دڵنیام پلانی نەیارانی دژ بە نەتەوەی کوردە، دەخوازم لە کوردانی هەر چوار پارچەی کوردستان با دەست لەناو دەست بین بۆ چارەسەری ریشەیی هەمو ئەو زوڵم و ستەمەی کە بە درێژایی مێژوو لێمان کراوە بە پاساوی نالۆژیکی، با پلانی نەیارانمان بە یەکڕیزی نێوانمان لەبارببەین لەپێناو گەیشتن بە کەناری ئارامی بۆ گەلێکی ماندو لە شەڕ و ماڵوێرانی".
 
لە بەشێکی دیکەی پەیامەکەیدا، جێگری سەرۆکی هەرێمی کوردستان ئاماژەی بەوە کردوە، "ئەوەی چەند سەدەیەکە هەوڵی بۆ دەدەین تەنها بە پێکەوەیی دەتوانین هەنگاوی بۆ بنێین، چونکە سەنگەر لەیەکگرتن خزمەتە بە دوژمنانی گەلێکی ستەمدیدە و لەگۆڕنانی هەمو خەون و ئاواتەکانی رۆژانی پڕ لە تێکۆشان و خەبات و بەفیڕۆدانی خوێنی شەهیدەکانمان".