image

پەیامی کورد     ...    دوای هەڕەشەکەی ئەردۆغان بۆ هێرش کردن بۆ سەر ڕۆژئاوای کوردستان پەکەکە ووڵامێکی تووند دەداتەوە " هەزاران گەریلامان لە ڕۆژئاوایە و کەس ناتوانێت بەدەرمان بنێت "

دوابە دوای ووتارە تووندەکەی ڕەجەب تەئیب تەردۆغان سەبارەت بە هێرش کردنی هێزەکانی تورکیا بۆ سەر ڕۆژئاوای کوردستان بەرپرسێکی باڵای پەکەکە بەیاننامەیەکی باڵکێش بڵاو دەکاتەوە . لەم بەیاننامەیەدا موستەفا قەرەسوو ڕایگەیاند : ئێمە هەزاران گەریلای پەکەکەمان ناردووەتە ڕۆژئاوای کوردستان هەر بۆیە هیچ کەسێک ناتوانێت پێمان بڵێ لێ بڕۆنە دەرەوە .

موستەفا قەرەسوو ئەندامی کۆنسەی بەڕێوبەری کۆما جیڤاکێ کوردستان " کەجەکە " ئاشکرای کرد : ئەوان بە هەزاران گەریلای پەکەکە یان ناردووەتە ڕۆژئاوای کوردستان و دەڵێ : ئەگەر ئەمڕۆ ڕۆژئاوای کوردستان نەکەوتووەتە ژێر دەسەڵاتی داعش لە بەر ئەوەیە کە هێزەکانی ئێمە لەوێ شەڕیان کردووە و شەهید بوونە و بە هەزاران گەریلای پەکەکە وە بووە . هەر بۆیە هیچ کەسێک ناتوانێ بڵێ لێرە پەکەکە هەیە و با بڕۆنە دەرەوە .

قەرەسوو لە تەلەفزیۆنی نزیک بە پەکەکە ووڵامی ئەو ڕەخنانەی کە دەربارەی هەژموونی گەریلاکانی پەکەکە لە ڕۆژئاوای کوردستان دەداتەوە و ڕایگەیاند

هیچ کەسێک ناتوانێ داوای دەرچوونی هێزەکانی پەکەکە لە ڕۆژئاوای کوردستان بکات و ووتی لە ئێستادا هەندێک کەس بە دەنگێکی گەورە باسی هەبوونی گەریلاکانی پەکەکە لە ڕۆژئاوای کوردستان دەکەن بەڵام لێرەوە هەموو کەس ئەمە بزانن ، بە هەزاران گەریلای پەکەکە چوونە ڕۆژئاوای کوردستان و شەڕی داعش یان کرد و شەهید بوون ، ئەگەر لە ئێستادا ڕۆژئاوای کوردستان لە ژێر دەسەڵات و سۆڵتەی داعش دا نییە ئەوە لە بەر هەبوونی گەریلاکانی پەکەکە و شەڕی ئەوانە لە دژی داعش . هەر بۆیە هیچ کەسێک ناتوانێ بڵێ ئەندامانی پەکەکە لێرەن و دەبێ لێرە دەربچن و لێرە نەمینن