image

دەزگای ئاسایشی فیدڕاڵی روسیا، دەستگیرکردنی ژمارەیەک لەئەندامانی تۆڕێکی گەورەی رێکخراوی تیرۆریستی داعش لەو وڵاتە داعشی راگەیاند.
ئاژانسە هەواڵییەکانی روسیا لەسەر زاری لێپرسراوانی دەزگای ئاسایشی فیدڕاڵی روسیا بڵاویانکردەوە، کە لە ئۆپراسیۆنێکدا لەشاری مۆسکۆ و دەوروبەری، ھێزەکانیان (٦٠) کەسیان دەستگیرکردووە، کە تۆمەتبارن بەناردنی ھاووڵاتیانی روسی بۆ ناو رێکخراوی تیرۆریستی داعش لەعێراق و سوریا.
ئاماژە بەوەشکراوە، کە ئۆپراسیۆنەکە بە ھەماھەنگی لەگەڵ وەزارەتی ناوخۆی روسیا، ئەنجامدراوە.
دەزگای ئاسایشی فیدڕاڵی روسیا باسی لەوەشکردووە، کە لەکاتی پشکنینی (١٧) ماڵ لە شاری مۆسکۆ (٣) ئامێری تایبەت بە ساختەکردنی بەڵگەنامەو مۆری جۆراوجۆر دەستی بەسەردا گیراوە.