پەیامی کورد … ١٣ تیرۆریستی داعش لە عێراق دەستگیر کران
دژه‌تیرۆری عێراق ڕایگه‌یاند، له چه‌ند ئۆپه‌راسیۆنێكدا توانیویانه 13 تیرۆرست ده‌ستگیربكه‌ن، كه چواریان سه‌ركرده‌ى داعش بوون.
له ڕاگه‌یه‌ندراوێكدا دژه‌تیرۆری عێراق بڵاویكرده‌وه، له چێوه‌ى ئۆپه‌راسیۆنه‌كانیان له پارێزگاكانى بەغداد، کەرکوک، سەڵاحەددین، نەینەوا، ئەنبار و دیالە توانیویانه 13 تیرۆرستى داعش دەستگیربكه‌ن.
هه‌ر به‌پێی ڕاگه‌یه‌ندراوه‌كه ده‌ستگیركراوه‌كان چواریان سەرکردەی داعش بوون.
دژه‌تیرۆر ڕوونیشیكردووه‌ته‌وه، له چێوه‌ى ئۆپه‌راسیۆنه‌كه‌یان سەرکردەیەکی سەربازیی داعش و یەکێک لە پاسەوانەکانی لە دەوروبەری پارێزگای کەرکوک ده‌ستگیركردووه.
ماوه‌ى چه‌ند مانگێكه جموجۆڵه‌كانى داعش له چه‌ند پارێزگایه‌كى عێراق ڕووی له زیادبوون كردووه و هێزه عێراقییه‌كان و پێشمه‌رگه‌ش له دوێنێ-وه ئۆپه‌راسیۆنێكیان بۆ كێوماڵكردنى ئه‌و ناوچانه له‌ده‌ستى داعش ده‌ستپێكردووه.
