image


پەیامی کورد... ١٢ وڵاتی ئەورووپا وازیان لە گازی ڕووسیا هێناوە

یەکێتی ئەورووپا ڕایدەگەیەنێت ١٢ وڵاتی ئەندامی یەکێتییەکە دەستبەرداری غازی ڕووسی بوون و جەختی لەوەش کردەوە هەڵسوکەوتەکانی مۆسکۆ لەم هەفتانەی کۆتاییدا لێکەوتەی مەترسیداری بەدواوەیە.

یەکێتی ئەورووپا ڕایگەیاند: ١٢ وڵاتی ئەندامی یەکێتییەکە چی دی غازی ڕووسی هاوردە ناکەن، هەرچەندە قەیرانی کەمی سووتەمەنی سەری هەڵداوە و لە پاییزدا زیاتر دەبێت، بەڵام ڕەفتارەکانی مۆسکۆ لێکەوتەی مەترسیداری بەدواوەیە.

ئاماژەی بەوەش کردووە، لە سەرەتای ئەمساڵەوە پلانێکییان بۆ چارەسەری غازی ڕووسی داڕشتووە و پێویستە وڵاتانی ئەورووپا ئەو پلانە بخەنە کارەوە و جێبەجێی بکەن.

دەشڵێت: یەکێتی ئەورووپا لە چەند هەفتەی ڕابردوودا گەیشتووتە ڕێککەوتنێک بۆ زیاتر هاوردەکردنی غاز لە ئیسرائیل و میسرەوە و دەیانەوێت لەگەڵ نەرویجدا هەماهەنگی زیاتر بکەن و ڕاستەوخۆش لەگەڵ ئازەربایجان بکەونە گفتوگۆ بۆ زیادکردنی بڕی غازی هاوردەکراو

ئەوەش لە کاتێکدایە، بەهۆی هەڵگیرسانی جەنگی ئۆکراینا و ڕووسیا، وڵاتانی ئەورووپا و ئەمریکا چەند سزایەکییان بەسەر ڕووسیادا سەپاند بە ئامانجی فشار خستنەسەر مۆسکۆ و وەستاندنی هێرشەکانی بۆ سەر کیێڤ و لەو چوارچێوەیەشدا وڵاتانی ئەورووپا دەیانەوێت نەوت و غازی ڕووسی چی دی هاوردە نەکەن و گوشارەکانیان توندتر بکەنەوە.