image

ئیبراهیم كاڵن گوتەبێژی سەرۆكایەتیی كۆماری توركیا، دەڵێت 70%ی عەفرین لەلایەن سوپای توركیاوە داگیر كراوە، لە داهاتووشدا دەچنە ناو سەنتەری عەفرین.

 

جێگەی سەرنجە کە سوپای توركیا تاوەكوو ئێستا نەیتوانیوە بچێنە ناو عەفرین و هێزەكانی لە دەوروبەری عەفرین جێگر كردوە، بەڵام گوتەبێژی سەرۆكایەتیی كۆماری توركیا دەڵێت، لە ماوەیەكی نزیكدا سوپای توركیا و میلیشاکانی سوپای ئازادی سووریا، هێرش بۆ سەنتەری عەفرین دەست پێ دەكەن.

ئیبراهیم كاڵن گوتەبێژی سەرۆكایەتیی كۆماری توركیا، ئەمرۆ پێنچ شەممە لە كۆنگرەیەكی رۆژنامەوانیدا ئاشكرای كرد: 70%ی عەفرین لەلایەن سوپای توركیاوە داگیر كراوە، لە داهاتووشدا دەچنە ناو سەنتەری عەفرین.

باسی لەوەش كرد: "یەپەگە ویستوویەتی عەفرین بكاتە قەندیلی دووەم، بەڵام توركیا یارییەكەی لێ تێكدا و نەیهێشتووە ئەو ئامانجەیان بێتەدی".