image

مامۆستایانی کورد لە شارەکانی کوردستان، هاوکات لەگەڵ مامۆستایان لە شارەکانی دیکەی ئێران، لەبەردەم ئیدارەکانی پەروەردەدا کۆبوونەوەی ناڕەزایەتییان دەربڕیوە.
 


 ئەمڕۆ پێنجشەمە 2018/5/10 مامۆستایانی کورد لە شارەکانی ئیلام، کرماشان، سنە، مەریوان و سەقز هاوکات لەگەڵ مامۆستایان لە شارەکانی دیکەی ئێران لەبەردەم ئیدارەکانی پەروەردە کۆبوونەوەی ناڕەزایەتییان دەربڕیوە.

یەکیک لە مامۆستایانی شاری سەقز بە ڕێکخراو مافی مرۆڤیی هەنگاو-ی راگەیاند, "ئێمە خوازیاری خویندن بە زمانی دایکی، هەروەها باشتربوونی دۆخی پەروەردەین".

هاوکات لە شاری کرماشان، مامۆستایانی کورد بە گوتنەوەی سروودی "هاوڕێی قوتابی (یار دبستانی)" لەبەردەم ئیدارەی پەروەردەدا کۆبوونەتەوە و خوازیاری جێبەجێبوونی خواستەکانیانن

مامۆستایانی کورد لە شاری مەریوان وێڕای پێداگری لەسەر جێبەجێبوونی خواستە سەرەتاییەکانیان، خوازیاری خوێندنی خۆڕایی بۆ قوتابیان بوون.