Serok Barzanî: Rojnameger rênîşandar û destnîşankerên rastiyan in

PeyamaKurd - Serok Mesûd Barzanî bi boneya 126 saliya Roja Rojnamegeriya Kurdî û salvegera damezrandina Yekîtiya Rojnamevanên Kurdistanê, pîrozbahî li rojnamevan û xebatkarên medyaya Kurdistanê kir.

Serok Barzanî di peyama xwe de got: “Erkekî pîroz û hestiyar li ser milê rojnameger û xebatkarên çapemeniyê ye ku agahdarî, hişyarî, rênîşandan û pêşxistina civakê bikin. Di vê bîranê de, daxwazê ​​ji rojnamevan û xebatkarên medyaya Kurdistanê dikim ku bi awayekî profesyonel erkê xwe ji bo gihandina rastiyan û bihêzkirina çand û hişyariya civak û welatiyan bicih bînin.

Serok Barzanî dibêje: “Pêwîst e rojnamevanên Kurdistanê her dem ji bîr nekin ku medya û rojnamegerî amûrên bi bandor in ji bo nasandina doza rewa ya gelê me û parastina nasname û mafên gelê Kurdistanê û di heman demê de amûrên parastina nirxan û kûrkirina çanda aştîxwazî, pêkvejiyana û mirovahiyê di nava gelan de ne.”

Serok Mesûd Barzanî di dawiya peyama xwe de got: “Salvegera Rojnamegeriya Kurdî pîroz be û hêviya serkeftinê ji hemû rojnamevanên kurd re dixwazim.”