image

PeyamaKurd - Serokê fraksiyona Partiya Demokrata Kurdistanê (PDK) li Parlamentoya Kurdistanê ragihand, nêrîna partiya wan li ser nivîsandina destûra herêma Kurdistanê çiye dê bigihînin serokatiya parlamentoyê.

Serokê fraksiyona PDKê Zana Mela Xalîd ragihand, “Têbinî û nêrînên PDKê li ser nivîsandina destûra herêma Kurdistanê amade ne.”

Zana Mela Xalîd got: “Vê heftiyê nêrîna PDKê li ser projeya nivîsandina destûra herêma Kurdistanê em ê bigihînin serokatiya parlamentoyê.”

Serokê fraksiyona PDKê girîng dizane ku lijneya nivîsandina destûrê berdewam be li ser karkirina wan madeyên projeyê ku hatine nivîsandin û hemû aliyên siyasî yên derveyî parlamentoyê jî beşdar bin di lijneya nivîsandina destûrê de.