image

PeyamaKurd – Li Rojavayê Kurdistanê û navçeyên bin deshilata Rêveberiya Xweser di 24 saetên dawî de, 87 kesên din bi vîrûsa korona ketin û 3 kesan jî can da.

Hevserokê Desteya Tenduristiya Rêveberiya Xweser Dr. Ciwan Mistefa amarên 24 saetên borî yên Koronayê belav kirin.

 Dr. Mistefa ragihand, li Rojavayê Kurdistdanê 3 kesan ji ber koronayê can daye ku 2 kes li Qamişlo û 1 kes li Minbicê ne.

Herwiha eşkere kir ku 87 kes jî bi vîrûsa koronayê ketine ku 18 kes li Hesekê, 14 kes li Qamişlo, 3 kes li Dêrikê, 1 kes li Girkê Legê, 3 kes li Amûdê, 1 kes li Dirbêsiyê, 1 kes li Kobanê, 23 kes li Reqayê, 14 kes li Tebqayê,  4 kes li  Minbicê, 3 kes li Şehbayê û 2 kes li kampa Holê in û 7 kes jî baş bûne.

Bi van amarên dawî re li Rojavayê Kurdistanê hejmara pêketiyên vîrûsa koronayê gihîşt 16998 kesan, ya mirinan bû 697 kes û heta niha 1747 kes jî baş bûne.