image

PeyamaKurd – Partiya Demokrata Kurdistanê (PDK) ku doh 27ê Mijdarê piştî 6 salan bi fermî baregeha xwe ya Lîqa Sêyem vekir, li Kerkûkê ji bo danasîna namzedên xwe yên hilbijartinên parêzgehê mîtingeke mezin saz dike.

Endamê lijneya amadekar a mîtîngê Firset Seyid Şikur ji medya Kurdistanê re ragihand, mîtîng sibe 28ê Mijdarê dê bi ahengeke girseyî ya berfireh birêve biçe û li salona Layv City -2 ya bajarê Kerkûkê di demjimêr 14:00 de destpê dike.

Hate ragihandin ku, mîtîng ji bo nasandina hemû berbijêrên PDKê ye û piştre jî karnameya lîsteya PDKê ya ji bo parêzgeha Kerkûk û temamê navçeyên Kurdistanî dê bê eşkere kirin.