image

PeyamaKurd – Serokwezîrê Herêma Kurdistanê Mesrûr Barzanî li ser bûyera şewitandina baregeha PDK ê ya li Bexdayê û şewitandina ala Kurdistanê şermezar kir û got:

“Kiryara li hemberê remza herî pîroz ya Kurdistanê û li hemberê partiya ku herî zêde di roxandina dîktatoriya rejîma Baasê de bedel daye hatiye kirin, nîşana kiryara li hemberê qedr û qiymetên demokrasiyê ye.”

Barzanî di mijara şewitandina ala Kurdistanê û baregeha leqa 5 ê ya PDK ê de, bi serokwezîrê Iraqê bi Mustafa Kazimî re di rêya telefonê de jê xwestiye ku pêvajoya qanûnî bide destpêkirin. Serokwezîr Barzanî got ku wê êrîşa rezîlane şermezar dike û weha dewam kir:

“Ez êrîşa li Bexdayê ya ji aliyê grûbekî li dijî qanûn ya ser PDK ê û ser ala Kurdistanê ya rezîlane şermezar dikim. Bêrûmetiya li hemberê sembola herî pîroz ya Kurdistanê û şewitandina wê û li hemberê PDK ê ku di roxandina rejîma dîktator ya Saddam de partiya ku herî zêde bedel daye, nîşan dide ku li Iraqê aşkera êrîşê ser demokrasiyê, pêkvejiyanên û aştiyê hatine kirin ku qiymetên me yên herî bilindin.

Di axaftina min û serokwezîrê Iraqê rêzdar Mustafa Kazimî de, em li ser vê êrîşê axifîn. Min jê xwest ku li ser vê mijarê lêpirsîn destpêbike û di derbarê êrîşkaran de pêvajoya qanûnî destpêbike.”