image

PeyamaKurd - Komîteya Bilind a Rûbirûbûna Koronayê ya Herêma Kurdistanê di civîna xwe ya îro Duşemê de, çend biryarên nû derxistin.

Li gorî biryarên hatine dayîn; derzîlêdana koronayê li piraniya cihên girtî ji bo xwendekar, karmend û ciwanên ser 18 salî dibe bi neçarî. Herwiha danîna şînan û kombûn qedexe ye.

Berdevkê Hikûmeta Herêma Kurdistanê piştî civîna Komîteya Bilind a Rûbirûbûna Koronayê eşkere kir ku pêşniyazên Wezareta Tendirustiyê yên di civînê de hatine pêşkêşkirin bi koma dengan hatine pesendkirin.

Biryarên nû yên hatine dayîn ev in:

- Proseya perwedehiyê li dibistan, zanîngeh û peymangehan berdewam dibe û divê hemû maskan bikar bînin.

- Heta 1/1/2022an, divê tevahiya karmendên hikûmetê derziyê werbigirin û neçarî ye, her kesê pabend nebe jî dê rêkarên yasayî li hember wî werin girtin.

- Hemû xwendekarên di ser 18 saliyê re ne, divê derziyê werbigirin û neçarî ye.

- Karmend û xwediyê kar ên sektora taybet divê derziyê werbigirin û neçarî ye.

- Bi ti awayî rê nayê dayîn kombûnên civakî bên kirin û konên şîniyê bên danîn.

- Navendên derzîlêdanê tên zêdekirin.