image

PeyamaKurd - Li Zanîngeha Perm a Rûsyayê, îro 20ê îlonê êrîşeke çekdarî ji aliyê xwendekarekî ve hat kirin ku li gorî zanyariyên destpêkê herî kêm 5 kes hatin kuştin û 6 jî birîndar bûn.

Komîteya Lêpirsînê ya Rûsyayê daxuyaniyek derbarê êrîşê de belav kir û ragihand, 20ê Îlonê li yek ji avahiyên zanîngehê, xwendekarekî gule li derdorê reşand û di encamê de 5 kes hatin kuştin û 6 kes jî birîndar bûn.

Zanîngehê Permê dema êrîş pêk hatibû dabû xuyakirin, li saet 11:00 kesekî ku nasnameya wî nediyar e ketiye kampusa zanîngeha Permê û gule reşandiye.

Komîteya Lêpirsînê ya Rûsyayê daye zanîn ku êrîşkar hatiye girtin, lê derbarê sedema êrîşê de ti hurgilî nehatin belavkirin.