image

PeyamaKurd – Artêşa Îsraîlê piştî agirbest û navbera mirovî ya 7 rojan ku îro 1ê Kanûnê bidawî bû, ragihand ku wan li Xeta Xezzeyê zêdetirî 200 dever bombebaran kirine.

Di daxuyaniyê de hatiye gotin ku îro beyaniyê ji 07:00an ve wan dest bi êrîşên bejahî, asmanî û deryayî kiriye û bakurê Xezzeyê jî di nav de, li Xan Yûnis û Refahê jî binkeyên Hemasê hatine hedefgirtin.

Artêşa Îsraîlê ragihand ku wan zêdetirî 200 êrîş pêk anîne û binkeyên Lîwayên Qesamê yên baskê leşkerî yê Hemasê hatine armanckirin.

Li aliyê din çavkaniyên Xezzeyê ragihandine ku di êrîşên îro de 109 filîstînî hatine kuştin û hejmarek zêde kes jî birîndar bûne.