image

پەیامی کورد   ...   لە یارییەكانی پاڵەوانیەتی كوپا ئەمریكا و لە قۆناغی نیوەی كۆتایی ئەو پاڵەوانێتیەدا هەڵبژاردەی بەرازیل ڕووبەڕووی هەڵبژاردەی ئەرژەنتین بوەوە.

لەسەرەتای یارییەكەوە یاریزانانی هەڵبژاردەی بەرازیل بە ئاستێكی بەرز دەركەوتن و بە سوود وەرگرتن لە یاریگا و هاندەرانی خۆیان دەستیان بە هێرشكردن كرد بۆ سەر تۆڕی گۆڵی هەڵبژاردەی ئەرژەنتین و لە ئەنجامی ئەم فشارانەدا گابریل خیسۆس لە خولەكی 19ی یارییەكەدا گۆڵی پێشكەوتنی تۆماركرد، نیوەی یەكەمی یارییەكە بە ئەنجامی گۆڵێكی بێ بەرامبەر لە بەرژەوەندی بەرازیلییەكان كۆتاییهات.

لە نیوەی دوەمی یارییەكەدا هەرچەندە یاریزانانی هەڵبژاردەی ئەرژەنتین بە ئاستێكی باشتر دەركەوتن، بەڵام سەركەوتوو نەبوون لە یەكسانكردنەوەی ئەنجامەكە تا لە خولەكی 71 رۆبێرتۆ فێرمینۆ گۆڵی دوەمی بۆ هەلبژاردەكەی تۆماركرد.
سەرئەنجام هەڵبژاردەی بەرازیل بە دوو گۆڵی بێ ووڵام یارییكەی لە بەرژەوەندی خۆی كۆتایی پێهێنا و سەركەوتنیان بۆ یاریی كۆتایی مسۆگەركرد، مێسی و هاوڕێكانیشی جارێكی دیكە لە بەدەستهێنانی نازناوەكە شكستیان هێناو ماڵئاواییان لە پاڵەوانێتییەكە كرد.