image

پەیامی کورد    ...   بڕیار لە سەر گواستنەوەی نیمار دەدرێت .

بە پێی راپۆرتی ڕۆژنامەكانی ئیسپانیا کە ئاشكرایان كردووە، سەرۆكایەتی یانەی بەرشەلۆنەی ئیسپانی دوێنێ كۆبوونەوەیەكیان ئەنجامداوە بۆ بڕیاریدان لەسەر گواستنەوەی نیمار و دوایین بڕیاری خۆیان داوە لە بارەی چۆنێتی پێشكەشكردنی دوایین گرێبەست بە یانەی پاریس سان جێرمان.

دوای رۆیشتنی كۆتینهۆ و پەیوەندیكردنی بە یانەی بایرن میوونشی ئااڵمانییەوە، ئەو یانە ئیسپانیە هەوڵەكانی چڕتركردوەتەوە لە پێناو گواستنەوەی نێیمار بۆ ریزەكانی یانەكەی.

رۆژنامەكانی ئیسپانیا باس لەوە دەكەن، دوایین بڕیاری یانەی بەرشەلۆنە دوای كۆبونەوەی دوێنێی ئەندامانی دەستەی سەرۆكایەتی یانەكە ئەوەیە، دەیانەوێت بە شێوەی خواستن ئەو یاریزانە بگوازنەوە لەگەڵ مافی كرینەوەی یاریزانەكە بە ناچاری، ئەمەش بەهۆی ئەو قەیرانە دارییەوەیە كە بەرۆكی یانە ئیسپانییەكەی گرتوە.

یانەی پاریس سان جێرمان بەهای 180 ملیۆن یۆرۆی لەسەر گواستنەوەی نێیمار داناوە، یانەی بەرشەلۆنەش بەهۆی گرێبەستی گریزمانەوە توانای دابینكردنی ئەو بڕە پارەیەی نیە كە پاریس داوای دەكات.

هاوکات یانەی ریاڵ مەدریدیش چاوەڕوانی شكستی گفتوگۆكانی نێوان هەردو یانە دەكات و ئامادەیە گرێبەستێك بە بەهای 180 ملیۆن یۆرۆ پێشكەشی یانەی پاریس سان جێرمان بكات لە پێناو گواستنەوەی نێیمار.