image


پەیامی کورد ... کوژرانی شوانێکی خەڵکی ڕۆژهەڵات لە باکووری کوردستان

 

هاووڵاتییەکی خەڵکی ماکۆی ڕۆژهەڵات لە باکووری کوردستان سەرقاڵی شوانی بووە، بە تەقەی راستەوخۆی هێزەکانی حکوومەتی تورکیا گیانی لە دەست داوە.

 

بە پێی راپۆرتێکی رێکخراوی مافی مرۆڤی هەنگاو، رۆژی یەکشەممە٢٧ی ئەیلوول، هێزە چەکدارەکانی تورکیا لە کوێستانەکانی پارێزگای قارس هەڵکەوتوو لە باکووری کوردستان و هاوسنوورە لە گەڵ وڵاتی ئەرمەنستان، شوانێکیان دایە بەر دەستڕێژی گوللە و ناوبراو بەو هۆیەوە گیانی لە دەست دا.

 

شوناسی ئەو شوانە بە ناوی " رەزا قوولکانوو" خەڵکی گوندی " زەلکەی ژووروو"ی شاری ماکۆ سەر بە پارێزگای ئورمیە ڕۆژهەڵاتی کوردستان ڕاگەیەندراوە.

 

رەزا قوولکانوو بە هۆی نەبوونی ئیش و دۆخی نالەباری ئابووری لە شاری ماکۆ، ماوەی شەش مانگە چووبۆوە باکووری کوردستان و لەوێ شوانی ئەکرد. 

 

هەتا کاتی ئامادە کردنی ئەم هەواڵە تەرمی رەزا بەڕێ نەکراوەتەوە بۆ شاری ماکۆ.