image


پەیامی کورد ... پەیامی مەسروور بارزانی بە بۆنەی لەدایکبوونی پێغەمبەری ئیسلام

 

مەسرور بارزانی سەرۆكی حكوومەتی هەرێمی كوردستان پەیامێكی پیرۆزبایی بە بۆنەی ڕۆژی لەدایكبوونی پێغەمبەری ئیسلام بڵاو كردەوە.

 

لە پەیامەكەی سەرۆكی حكوومەتدا کە ئەمڕۆ چوارشەممە ٢٨ی تەشرینی یەکەمی ٢٠٢٠ بڵاو بووەتەوە هاتووە کە "بە بۆنەی ڕۆژی لەدایكبوونی پێغەمبەری ئیسلام حەزرەتی محەمەد (د.خ)، گەرمترین پیرۆزبایی لە موسڵمانانی كوردستان و جیهان دەكەم. هیوادارم یادی لە دایکبوونی پێغەمبەری خوشەویستمان ببێتە مایەی خێر و خۆشی و ئارامی و قووڵبوونەوەی گیانی خۆشەویستی لە نێوان تەواوی گەلان و پەیڕەوانی ئایین و ئایینزا جیاوازەكان".

 

مەسرور بارزانی ئاماژەی بەوە داوە كە "ئەمڕۆ لە هەموو كاتێك زیاتر، پێویستیمان بە ئاشتەوایی و لێبووردەیی و پاراستنی بەها بەرزەكانی مرۆڤایەتیی هەیە، كە هەڵقوڵاوی پەیامی پیرۆزی خوای میهرەبانە، ئومێدەوام ئەم بۆنە پیرۆزە، زیاتر هاندەرمان بێت بۆ قووڵکردنەوەی کولتووری بەیەکەوەژیان و تەبایی لە هەرێمی کوردستان و جیهاندا".