image

پەیامی کورد     ...     حکوومەتی هەرێم کێشەی دەروازە سنوورییەکان چارەسەر دەکات

جێگری سەرۆکی لیژنەی نەزاھەی پەرلەمانی کوردستان ڕایگەیاند : حکوومەتی ھەرێمی کوردستان بڕیاری داوە کێشەی دەروازە سنوورییەکان چارەسەر بکات، بۆ ئەو مەبەستە لیژنەیەکی ھاوبەشی لە نێوان وەزارەتی دارایی و ناوخۆ پێک ھێناوە و مووچەی بەڕێوبەر و فەرمانبەرانی مەرزی پەروێزخانی ڕاگرتووە. سەرچاوەیەکیش لە ئەنجومەنی وەزیران گوتی، حکوومەت بڕیاری داوە کێشەی دەروازە سنوورییەکان چارەسەر بکات.

جێگری سەرۆکی لیژنەی نەزاھەی پەرلەمانی کوردستان، سەعید ھەرکی، ڕایگەیاند : "ئەنجوومەنی وەزیران بڕیاری داوە کە کێشەی دەروازە سنوورییەکان بە تەواوەتی چارەسەر بکات، بۆ ئەو مەبەستەش لیژنەیەکی لە نێوان ھەردوو وەزارەتی ناوخۆ و دارایی پێک ھێناوە و ئەوکێشەیە چارەسەر دەکەن و چیتر کەس ناتوانێت خۆی بەسەر خاڵە سنوورییەکاندا فەرز بکات و حکوومەت ڕاستەوخۆ سەرپەرشتیی دەکات."

سەعید ھەرکی ووتیشی: "لە یەکەم ھەنگاودا بڕیار دراوە مووچەی بەڕێوەبەر و فەرمانبەرانی دەروازەی سنووریی پەروێز خان ڕابگرن تاوەکوو کێشەکە چارەسەر دەکەن."

ھەرکی باسی لەوەش کرد: "کێشەی دەروازە سنوورییەکان ئەوەیە کە کەلوپەل بە شێوەی قاچاغ و بێ گومرگ ھاوردە دەکرێت و حکوومەت دەیەوێت ڕێگری لەو کارە بکات و چیتر کەس مەرزەکان بۆ بەرژوەندی خۆی بەکار نەھێنێت، چوونکە پێویستە ھەموو داھاتەکە بۆ خەزینەی حکوومەت بگەڕێتەوە."

سەرچاوەیەکی ئەنجوومەنی وەزیرانیش ڕایەگیاند : "ئەنجوومەنی وەزیران لیژنەیەکی پێک ھێناوە و بڕیاری داوە کێشەی دەروازە سنوورییەکان بەتەواوی چارەسەر بکات و ھەرگرفتێک لە خاڵە سنوورییەکان ھەبێت لە ھاوردەکردنی کەلوپەلی بێ گومرگ، یاخود ھەر کارێکی دیکە چارەسەر بکات."