image

پەیامی کورد      ...     جەمیل بایک  :  ئێمە دژی کەس نین و دەمانەوێت بە ووتووێژ کێشەکان چارەسەر بکەین

هاوسەرۆکی کۆنسەی بەڕێوەبەری كۆما جڤاكێن كوردستان كه‌جه‌كه‌ رایگەیاند، دەیانەوێت کێشەکان بە گفتوگۆ چارەسەربکەن، دەشڵێت، "ئێمە دژی کەس نیین."
جەمیل بایک هاوسەرۆکی کۆنسەی بەڕێوەبەری کەجەکە رایگەیاندووە، "ئێمە دژی کەس نیین، بە ئاشکرا دەڵێم: نامانەوێت کێشەکان بە شەڕ چارەسەر بکەین، دەمانەوێت بە گفتوگۆ کێشەکان چارەسەر بکەین، ئێستاش ئامادەین کۆببینەوە، دەمانەوێت خزمەتی گەلەکەمان بکەین، بۆیە نامانەوێت ئاستەنگی بۆ کەس درووست بکەین، وەکو چۆن نامانەوێت کەس ئاستتەنگیمان بۆ دروست بکات،" دەشڵێت، "دۆستانی کوردیش هەمان قسەیان کرد، لە پەرلەمانی ئەوروپاوە وتیان ئێمە دژی شەڕی نێوان کوردین، پێویستە کێشەکان بە گفتوگۆ چارەسەر بکرێن."
وتیشی، "کاتێک هێز هێندرایە زینێ وەرتێ و خواکورک و گارە، گەلی کورد هەڵویستی نیشاندا، هەمووان وتیان دژی شەڕین، کورد خۆی بە جیهان ناساندووە، هەموو باجیان داوە، مافی کەس نییە مەترسی لەسەر ئەمە درووست بکات و لەدەستی کوردی بیبات، ئێمەش قبوڵی ناکەین."
بایك ئەوەشی خستۆتەڕوو، "بانگەوازی ئێمەش لەسەر ئەم بنەمایەیە، با کەس گەمارۆمان نەدات و فشارمان بۆ نەهێنێت و شەڕمان پێنەفرۆشن، بۆیە داوامان ئەوەیە با ئەو هێزانە بچنەوە شوێنی پێشووی خۆیان، ئەمە داوای گەلی کورد و هەموو کەسێکە، هەموو دەڵێن با شەڕ نەبێت."