image


پەیامی کورد ... دەستگیرکرانی ٧ ڕاوچی لە پێنجوێن

 

بەڕێوەبەرایەتی پۆلیسی دارستان و ژینگەی پارێزگای سلێمانی دەستگیركردنی ٧ کەسیان ڕاگەیاند کە بۆ مەبەستی راوکردن چووبوونە پێنجوێن.

 

لە ڕاگەیەنراوێكدا بەڕێوەبەرایەتی پۆلیسی دارستان و ژینگەی پارێزگای سلێمانی ئاشكرای كرد، بەشى پۆلیسى دارستان و  ژینگەى پێنجوێن بە هاوبەشى لەگەڵ بنکەى گەرمک کێوماڵێکیان ئەنجامدا لەسنورى ناوچەى (چەمى شلێر ) کەماوەى (٤٨) کاتژمێرى خایاند و  لەو ماوەیەدا توانیان (٧) سەرپێچیکار دەستگیربکەن کە بەمەبەستى ڕاوکردن هاتبوونە سنورەکە.

 

ئاماژە بۆ ئەوەشكراوە، لەو هەڵمەتەدا دەستگیرا بەسەر (٤) چەکى جۆرى تاپڕو  (١) فیشەک بەندى تاپڕ کە (١٢) فیشەکى تاپڕى لەگەڵ دا بووە هەروەها  (٢) بلاجکتۆرو  (٤) باڵندەى کێوى زیندو لە جۆری (کەو)،  لەگەڵ (١) سمۆرەى ڕاوکراو.

 

لەئێستادا پەڕاوى لێکۆڵینەوە بۆ ۆتۆمەتبارەكان بۆ ڕێک خراوە بە مەبەستنى ڕێکارى یاسایى.