image

پەیامی کورد     ...    یەکیتی ئەورووپا هۆشداری دەداتە تورکیا  .

جۆزێپ بۆرێل، نوێنەری باڵای یەكێتی ئەورووپا بۆ كاروباری دەرەوە ، لە بواری سیاسی و ئەمنی ئەگەر تورکیا هەڵسوکەوتی خۆی لەناوچەکەدا نەگۆڕێت بڕیاری چارەنووس ساز دەدەن.

 نوێنەری باڵای یەكێتی ئەورووپا بۆ كاروباری دەرەوە، سیاسی و ئەمنی ئەمڕۆ پێنجشەممە رایگەیاند، "پشتیوانی خۆمان بۆ یۆنان و قوبرس نوێ دەکەینەوە و پێویستە تورکیا رەفتارەکانی لە رۆژهەڵاتی ناوەڕاست بگۆڕێت".

بۆرێل هۆشداریش دەداتە حکوومەتی ئانکارا و باسی لەوەکرد، "رەفتارەکانی تورکیا لە رۆژهەڵاتی ناوەڕاست بە پێشێلکردنی یاسا نێودەوڵەتییەکان دەزانین و ئەگەر تورکیا هەڵسوکەوتی خۆی لەناوچەکەدا نەگۆڕێت بڕیاری چارەنووساز دەدەین".

لە چوارچێوەی بەردەوامی ئاڵۆزییەکنی نێوان یەکێتی ئەورووپا و تورکیا لە بارەی دۆسییەی لیبیا و هەڵکۆڵینی نەوت و گازی سرووشتی لە دەریای ناوەراست و پرسی پەنابەرانەوە جۆزێپ بۆریل،  بەرپرسی سیاسەتەکانی دەرەوەی یەکێتی ئەورووپا رایگەیاند، "پێویستە کاریگەرییە نەرێنییەکانی تورکیا لە زیاتر ئاڵۆزبوونی رەوشی رۆژهەڵاتی ناوەراست کەمبکرێتەوە".

پێشتریش یەکێتی ئەورووپا لەچەندین بەیاننامەدا باسی لەوەکروە، تورکیا یەکێکە لەو ووڵاتانەی کە پاڵێوراوە بۆ ئەندامبوون لە یەکێتی ئەورووپا، پێویستە پابەندی پێوەرەکانی یەکێتییەکە بێت ئەگەر بیەوێت وەک ئەندام تێیدا قبووڵ بکرێت.