image

پەیامی کورد    ...    ناوی شەقامی خۆمەینی لە بەسڕا لە لایەن خۆپیشاندەرانەوە گۆڕدرا بە شەقامی شەهیدانی ئۆکتۆبەر.
لە تۆڕە كۆمەڵایەتییەكان و بەشێك لە میدیاكان، ڤیدیۆیەكی خۆپیشاندەرانی بەسڕە بڵاوكراوەتەوە، تیایدا ناوی شەقامی خومەینی بۆ شەقامی شەهیدانی ئۆكتۆبەر دەگۆڕن، لەكاتێكدا پێشتر وەك دەربڕینی ناڕەزایەتی، چەند جارێك لافیتەی تایبەت بە ناوی شەقامەكەیان سوتاندبو.
لە سەرەتای مانگی پێشوشدا خۆپیشاندەرانی شاری نەجەف بەهەمانشێوە ناوی شەقامێكی شارەكەیان لە خومەینی-یەوە گۆڕی بۆ شەهیدانی شۆڕشی تشرین.
لە خۆپیشاندانەكانی بەغدا و شارەكانی دیكەی عیراق، خۆپیشاندەران بە شێوازی جیاواز ناڕەزایەتیی خۆیان بەرامبەر بە دەستوەردانەكانی ئێران لە عیراق دەردەبڕن، كە دیارترینیان بریتی بوو لە سێ جار سووتاندنی بەشێك لە كونسوڵگەری ئێران لە شاری نەجەف، ئەمە جگە لە وتنەوەی دروشم دژی رژێمی ئێران و سووتاندنی ئاڵای ئەو وڵاتە.