image


پەیامی کورد … قاچاخی کچ لە ئێران بۆ وڵاتانی دەرەوە زیادی کردووە

 

بەپێی ڕاپۆرتی ناوەندە ئیتزامی و ئەمنییەکانی ئێران قاچاخی کچان لە ئێرانەوە بۆ وڵاتانی عەرەبی و ئورووپایی بەرز بووەتەوە و قاچاخی کچان لە ئێران لە ڕێگای زەوینی، دەریایی و ئاسمانی ئەنجام دەرێت.

 

بەپێی ئەو ڕاپۆرتە ئەو کچ و ژنانەی کە ئێران بەجێدێڵن زۆرتر لەلایەن وڵاتانی عەرەبییەوە هاوردە دەکرێن و تەمەنی قاچاخی ئەو کچانە گەیشتووەتە ژێر ١٤ ساڵ.

 

قاچاخی مرۆڤ زۆرتر بە ئامانجی کەڵکاژۆی بازرگانی لەلایەن قاچاخچیەکان یان کەسانی دیکەوە ئەنجام دەرێت.

 

دوای هاتنە سەر کاری کۆماری ئیسلامیی ئێران و پەرەگرتنی هەژاری و بێکاری و گرانی، ئێستا ئێران یەکێک لە گرینگترین ڕێگاکانی گواستنەوەی قاچاخی مرۆڤ، بە تایبەت کچان و ژنانی کەم تەمەن بۆ وڵاتانی عەرەبی و ئورووپاییە.

 

بەپێی ئەو ڕاپۆرتەی ناوەندە ئیتزامی و ئەمنییەکانی ئێران، زۆرترین قاچاخی کچانی ئێران لە ڕێگای ئاویی کەنداو بۆ وڵاتانی عەرەبی ئەنجام دەدڕێت.

 

هەروەها، ٨٠ لەسەدی کچانەی کە  بۆ وڵاتانی درەوە قاچاخ دەکرێن ئەو کچانەن کە تەڵاقیان وەرگرتووە و لە دست بنەماڵەکانیان هەڵاتوون.

 

لەو ڕاپۆرتەدا هاتووە کە زۆرێک لە کچەکانی وڵاتانی ڕۆژهەڵاتی ئێران یەک لەوان ئەفغانستان و پاکستان لە ڕێگای ئێرانەوە و بەدەست قاچاخچییەکانەوە لە ڕێگای زەوینی و دەریایی و ئاسمانییەوە ڕوو لە وڵاتانی ڕۆژئاوایی دەکەن.