image

پەیامی کورد     ...    تیمیكێی پزیشكی ئەمریكا بە هاوبەشی لەگەڵ مانگی سووری كورد ئەمڕۆ بەمەبەستی بەهاناوەچوونی بریندارانی سەرێكانی ، بەرەو سەرێ كانی بەڕێكەوتن، بەڵام ئەو تیمە ئەمریكییە ڕایانگەیاندووە كە بۆردومانەكانی توركیا رێگە نادات بچینە ناو سەرێ كانی.
لەئێستادا بەهۆی بۆردوومانەكانی سوپای توركیاوە بۆ سەر نەخۆشخانەی فریاكەوتنی سەرێ كانی، پزیشكانی شارەكە ناتوانن بەهانای بریندارانی شەڕو پێكدادانەكانی نێوان هێزەكانی هەسەدە لەگەڵ سوپای توركیا و هێزە هاوپەیمانەكانی بچن.
لەو بارەیەوە فری بۆرما رانگەرس، ئەندامێكی ئەو تیمە ئەمریكییە رایگەیاندوە،"تیمەكەی ئێمە لەگەڵ مانگی سووری كورد، دەمانەوێت بچینە نەخۆشخانەی فریاكەوتنی سەرێكانی بۆ چارەسەركردنی بریندارەكان، بەڵام بۆردومانەكانی سوپای توركیا و هێزە هاوپەیمانەكانی رێگە نادەن بچینە شارەكە و بەردەوامیش بۆردومانی نەخۆشخانەكە دەكەن".
هەروەها پزیشكێكی دیكەی تیمەكە بەناوی داڤد یۆئوبانگ راگەیاندوە،"ئیمە ئێستا لە گوندی ئەسەدێین، گروپە ئۆپۆزسیۆنەكانی نزیك توركیا رێگە نادەن بچینە ناو شاری سەرێ كانی بەمەبەستی بەهاناوەچونی برینداران و چارەسەركردنیان".
تیمی ئەمریكی بۆ رزگاركردنی برینداران تیمێكی مەدەنین و كار دەكەن بۆ رزگاركردنی بریندارانی شەڕ لە ناوچەكە.