image

پەیامی کورد  ...  بە گوێرەی هەواڵی ئاژانسەكانی ئابووری لە جیهان بڵاویان كردەوە ئەمڕۆ پێنجشەممە  ٨١ی ٧ی ٢٠١٩  بەهۆی زیادبوونی رێژەی نەوتی خاو لە عەمبارە نەوتەكانی ویلایەتە یەكگرتوەكانی ئەمریكا لە دوێنێ چوارشەممە بۆ بەرزترین ئاستی خۆی لەماوەی یەک مانگدا، نرخی نەوتی خاو لە بازارەكانی جیهاندا بەڕێژەی زیاتر لەسەدا 1 کەمبووەوە.

لەداتاکانی پێشوی نرخی بازاڕدا، نرخی نەوتی خاو بەڕێژەی لەسەدا 3 کەمبووەوە.
بەپێی هەواڵی ئاژانسی ڕۆیتەرز ، ئەمرۆ پێنجشەممە نرخی هەر بەرمیلێک لەنەوتی خاوی برێنت  69 سەنت دابەزی کە ڕێژەی لەسەدا 1.1ی نرخی پێشویەتی و بەوەش نرخی برێنت لە  ( 63.66) شەست و سێ دۆلارو شەست و شەش سەنتدا جێگیربوو. ئەمە لەکاتێکدا رۆژی سێشەممەی رابردوو بەڕێژەی لەسەدا 3 نرخەکەی کەمبووبوەوە.
هاوکات، نرخی یەک بەرمیل نەوتی خاوی تەکساسی رۆژئاوای ئەمریکا  84 سەنت  کەمیکرد کەڕێژەی لەسەدا 1.5ی نرخەکەی پێشویەتی و بەوەش لە 56.78   ( پەنجاو شەش دۆلار و حەفتاو هەشت سەنت)دا جێگیربوو.
 بەپێی داتاو زانیارییەکانی بەڕێوبەرایەتی وزەی ئەمریکا، رێژەی نەوتی عەمبارەکانی ئەمریکا بەشێوەیەکی چاوەڕواننەکراو زیادکرا و بەهۆیەوە نرخی نەوتی خاو لەبازەڕەکاندا کەمبوەوە.
بەپێی زانیارییەکان لەماوەی 2 رۆژی رابردوودا 1.3 ملیۆن بەرمیل نەوتی عەمبارکراو کەمی کردووە، واتە ڕەوانەی بازاڕەکانی جیهانکراوە و بەهۆیەوە نرخی نەوت کەمیکردوە.
ئەوە لەكاتێكدایە لەماوەی رابردودا گرژیی و ئالۆزیە ئابوریەكانی جیهان، بە تایبەتی جەنگی بازرگانی نێوان ویلایەتە یەكگرتوەكانی ئەمریكا و چین، هاوكات لەگەڵ زیاتربوونی ئاڵۆزییەكانی نێوان ویلایەتە یەكگرتوەكان و ئێران، ئێران و ووڵاتانی ئەورووپا، سەرجەمیان كاریگەریان لەسەر هەلكشان و داكشانی نرخی نەوتی خاو هەبووە.