زەریف: قسەکانی ناتانیاهۆ بایەخی وەڵامدانەوەیان نییە

زەریف: قسەکانی ناتانیاهۆ بایەخی وەڵامدانەوەیان نییە

لە کۆنفرانسى ئاسایشى مۆنیخ  " محەمەد جەواد زەریف " لە پاش قسەکانى ناتانیاهۆ "  سەرۆکوەزیرانى ئیسرائیل "  کە پارچەیەکى پەهپاد " فرۆکەی بێ فڕۆکەوانە "  ئێرانییەکەى هەڵێنابوو، گووتى: "ئێمە ئەوڕۆ تەماشاوانی سیرکێکى گاڵتەجاڕانە بووین کە تەنانەت بەهاى ئەوەشى نییە کە قسەى لەسەر بکەم و بایەخی ووڵامدانەوەیان نییە .".

 

هەروەها وەزیرى دەرەوەى ئێران باسى لەوە کرد کە ئەمریکا و هاوپەیمانەکانى لە هەڵبژاردنە هەڵەکانیان لە عەزابدان و "بە لەدەستدانى قەڵەمڕەوى خۆیان هێشتا مەترسییەکانى داعش و هەڕەشەى گرووپە تووندڕەوەکان لەنێو نەچووە، ئێران خوازیارى ناوچەیەکى بەهێزە و نایهەوێت هەژموونى لە ناوچەکەدا هەبێت، بۆ دروستکردنى ناوچەیەکى بەهێز دەبێت ڕاستییەکان ببینین و جیاوازییەکان قبوڵ بکەین".

ئەمە لە کاتێکدایە کە لە حەفتەکانی ڕابردوودا ووڵاتانی بەریتانیا ، ئەڵمانیا و فەڕەنساش سەبارەت بە هەوڵەکانی ئێران لە ناوچەکەدا نیگەرانی خۆیان ڕاگەیاندووە