image

PeyamaKurd - Namzedê CHPê ji bo Serokkomariya Tirkiyê Muharrem Înce li ser pirsa Kurd û Kurdistanê got: "Pirsa Kurdî pirseke çandî, siyasî ye. Divê em pê re rûbirû bibin."

Înce beşdarî bernameya FOX TV bû û li ser rojevê cewaba pirsan da.

Înce got ew dema bimîne tûra duyem dikare Kurdekî bike cîgirê xwe û wiha dewam kir:
"Kurd jî welatiyên vê dewletê ne. Helbet çêdibe. Em durûtiyê nakin û sozên ku em bicih nayînin nadin."

Li ser pirsa Kurd û Kurdistanê û Pêvajoya Çareseriyê got:
"AK Partiyê, di vê mijarê de durist hereket nekir. Pirsa Kurdî em bi eşkereyî qebûl dikin. Mijar hem çandî ye hem aborî ye hem jî siyasî ye. Eslinde problema exlaqê siyasî ye."